كيف تفعل حسابك وتسحب ارباحك من paypal مصر

كيف تفعل حسابك وتسحب ارباحك من paypal مصر

- ‎فيكل المواضيع
3
0

كيف تفعل حسابك وتسحب ارباحك من paypal مصر
ملحوظة هامة : كافة البيانات والمعلومات الواردة بهذة المقالة تمت بناء على تجارب شخصية حقيقية اغلب الناس الفري لانسر بيواجهوا مشاكل فى التعامل اونلاين بسبب القواعد المفروضة على اغلب مواقع الاونلاين وخصوصا بنك PayPal
واللى للاسف مش بنفس المرونة اللى بتكون فى اغلب الدول فى العالم
طيب ايه المشاكل اللى بيواجهها الفري لانسر المصرى مع باي بال
1 – ميقدرش يشتري بالرصيد اللى فى حسابة
2 – مبيقدرش يحول لحد فلوس
3 – السحب عليه قيود — ودي النقطة اللى هنشتغل عليها
4 – مدة الإنتظار وهي 30 يوم
بالنسبة لنقطة 1 و 2 فاللاسف انا حاولت وللاسف مفيش اي حلول متاحة ليها فى الوقت الحالى ., الحل الوحيد انه يسحبهم لحسابة البنكي اي كان وبعدها يرجع يتعامل بيهم من تاني
نيجي لنقطة رقم 3 ايه افضل الحلول للسحب
اول حل والطبيعي ودة المنتشر انك تتعامل مع بنك مصري تسحب عليه ولكن دة بيفرض عليك رسوم قيمتها 5$ من قيمة كل سحبة , ودة شئ مش لطيف خالص
ال5$ دول بيتي اولى بيهم 😅 بخلاف انه بياخد مدة من 5 ل 7 ايام و بتوصل لـ 9 ايام , ناهيك انه البنوك مذبذبة وبيجي اوقات البنك بيقرر يوقف paypal
وبالتالى انت بتكون متكدر ومش عارف تسحب فلوسك
طيب ايه الحل المتاح؟!
انا شايف بايونير افضل حل =====> بتعامل معاه بقاله اكتر من سنة ومستريح معاه على الاخر
كدعم وخدمة وسرعة تحويل.
بتروح تشتري حساب بنكي امريكي كنت جايبه ب 10$ تقريبا , بيكون حساب اضافى بجانب الحساب اللى بيسلموه ليك اول ما بتنشئ الحساب
وبعدها بتتصل بدعم الباي بال العربي , بيكونوا متفهميين واللى بيرد عليك مش هيسيبك الا لم يربط حسابك البايونير “الحساب البنكي مش بطاقة ماستر كارد ”
————
الحل دة بيدي حسابك ميزتين
الاول انك مبتكونش مقيد بالتحويل الإجباري اول الشهر , يعني ممكن تحول مثلا يوم 14
التاني انه التحويل فى اي وقت بيكون مجانا وخلال 48 ساعة من طلب التحويل
————
بعد تحويل الفلوس لبايونير بتقدر تحولها لحسابك البنكي المحلى فى مصر زي مثلا بنك قطر , وبنفس السعر تقريبا اللى باي بال بتحول بيه
والنتيجة انك هتكون طالع كسبان فى كل مرة ال 5$ بتوع التحويل للحساب البنكي المحلى , بس خد بالك ان بايونير بياخد عمولة 2$ شهريا صيانة الحساب
————
ملحوظة =====> كمان بيفتحلك خيار تحويل الرصيد لاي حساب تاني وبالتالى تقدر تحول لوسيط بسعر اعلى بس دة بيكون متاح لم بتعدي حاجز 1000$ تعاملات ,.,,, بتقدر بقى لم تحول لوسيط تسحبهم بيتكوين – فودافون كاش وباي وسيلة حسب الوسيط اللى بتتعامل معاه
—————————————–
نيجي بقى لاخر نقطة وهي ازاي متستناش لمدة 30 يوم عشان الفلوس تنزل حسابك
الحل دة مكلف شوية بس فى البداية لحد ما توصل لـ 10000$ تعاملات بدون شكاوي ساعتها بيكون رصيدك متاح بمجرد التحويل
1 – بتطلب من العميل يحول المبلغ على دفعات اقل من 100$ يعني مثلا لو المبلغ 300$ ميحولهمش $300 مرة واحدة لا
90$ + $90 + $90 + 30$ مثلا
2 – بتتصل بدعم paypal تطلب منهم يعملوا release للمبلغ
بس طبعا الحل دة متستخدموش الا لو المبلغ اعلى مثلا من 500$
عشان متتلسوعش من المصرية للاتصالات لو انت ارضي او متهلكش كروت لو بتتكلم من المحمول لان متوسط مدة المكالمة بالانتظار بتكون فى حدود 27 دقيقة * 5.5 يعني حوالى 150 جنيه دة خارج اوقات الذورة

About the author

هدفنا : الدخول الى خبايا الانترنت وكشفها لكم خصوصا اذا كانت معروفة ولكننا هنا نقوم بطرحها بشكل موسع ونجعل منها افادة اكبر

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

You may also like

احصل على نسخة ويندوز 10 بمفتاح قانوني بأقل من 5$

لا شك بأن نظام ويندوز هو الاشهر عالميا